جلال پور جٹاں میں ماہِ رمضان کے دوران ایک افسوسناک واقعہ پیش آیا جہاں نامعلوم افراد ایک نومولود بچی کو کچرے کے ڈھیر پر چھوڑ گئے۔ مقامی صفائی مہم کی ٹیم ستھرا پنجاب پروگرام کے اہلکاروں نے صفائی کے دوران بچی کو دیکھا اور فوراً اسے ریسکیو کر لیا۔
بچی کو فوری طور پر محفوظ مقام پر منتقل کر کے طبی معائنہ کروایا گیا۔ مقامی لوگوں نے اس واقعے پر شدید دکھ اور افسوس کا اظہار کیا ہے۔ شہریوں کا کہنا ہے کہ یہ سمجھنا مشکل ہے کہ کسی نے غربت یا کسی اور مجبوری کے باعث یہ قدم اٹھایا، یا اپنا گناہ چھپانے کیلئے معصوم جان کو یوں بے سہارا چھوڑ دیا۔
اہلِ علاقہ کے مطابق دونوں صورتوں میں یہ انتہائی افسوسناک عمل ہے کیونکہ بچہ اللہ کی بڑی نعمت اور رحمت ہوتا ہے۔ شہریوں نے حکومت اور سماجی اداروں سے مطالبہ کیا ہے کہ ایسے واقعات کی روک تھام کیلئے مزید اقدامات کیے جائیں اور ضرورت مند خاندانوں کی مدد کی جائے۔
