لاہور، اوگرا کی جانب سے ایل پی جی کی قیمتوں میں بڑے اضافے کا نوٹیفکیشن جاری کر دیا گیا ہے، جس کے مطابق فی کلو قیمت میں 78 روپے کا اضافہ کیا گیا ہے۔ نئی قیمت 304 روپے 12 پیسے فی کلو مقرر کی گئی ہے۔
نوٹیفکیشن کے مطابق نئی قیمتوں کا اطلاق یکم اپریل سے ہو گا، جس کے بعد گھریلو اورکمرشل صارفین کوایل پی جی مہنگے داموں خریدنا پڑے گی۔
قیمتوں میں اس نمایاں اضافے سے عام صارفین، بالخصوص کم آمدنی والے طبقے پراضافی مالی بوجھ پڑنے کا خدشہ ظاہر کیا جا رہا ہے۔
بجلی کی قیمت میں ایک روپے 64 پیسے فی یونٹ اضافے کا امکان
ایل پی جی پاکستان میں خاص طور پر ان علاقوں میں استعمال کی جاتی ہے جہاں گیس کی فراہمی محدود یا دستیاب نہیں ہوتی، اس لیے قیمتوں میں اضافہ صارفین کیلئے تشویش کا باعث بن گیا ہے۔
ماہرین کے مطابق عالمی مارکیٹ میں قیمتوں میں اتار چڑھاؤ اور مقامی سطح پر سپلائی کے مسائل اس اضافے کی بڑی وجوہات ہو سکتی ہیں۔
تاہم عوامی حلقوں کی جانب سے حکومت سے مطالبہ کیا جا رہا ہے کہ قیمتوں میں اضافے پر نظرثانی کی جائے تاکہ صارفین کو ریلیف مل سکے۔
