ہم اب بھی اپنے جنوبی پڑوسیوں کے مناسب ردعمل کے منتظر ہیں تاکہ اپنا بھائی چارہ ظاہر کر سکیں
ایرانی سپریم لیڈر مجتبیٰ خامنہ ای (mujtaba khamenei)کا کہنا ہے کہ ایران جنگ نہیں چاہتا لیکن اپنے حقوق سے دستبردار نہیں ہوگا۔
ایرانی میڈیا کے مطابق اپنے ایک بیان میں انہوں نے کہا کہ ہم اب بھی اپنے جنوبی پڑوسیوں کے مناسب ردعمل کے منتظر ہیں تاکہ اپنا بھائی چارہ ظاہر کر سکیں۔
سڑکوں پر عوام کی موجودگی 40 دنوں کی طرح جاری رہنی چاہیے،آبنائے ہرمز کے انتظام کو نئے مرحلے میں لے کر جائیں گے۔
سعودی اور ایرانی وزرائے خارجہ کا پہلا جنگ بندی بعد ٹیلی فونک رابطہ، کشیدگی کم کرنے پر زور
یاد رہے کہ جنگ بندی کے بعد امریکا اور ایران کے درمیان مذاکرات کا پہلا دور ہفتے کو اسلام آباد میں ہوگا۔
برطانوی اخبار کا دعویٰ
ایرانی سپریم لیڈر مجتبیٰ خامنہ ای کے حوالے سے برطانوی اخبار کا بڑا دعویٰ سامنے آ گیا ہے۔
برطانوی اخبار دی ٹائمز نے کہا ہے کہ مجتبیٰ خامنہ ای مبینہ طور پر بے ہوش ہیں، مجتبیٰ خامنہ ای ایرانی شہر قم میں زیر علاج ہیں۔
رپورٹ میں بتایا گیا ہے کہ مجتبیٰ خامنہ ای تاحال کسی بھی حکومتی فیصلے میں شامل نہیں، مجتبیٰ خامنہ ای کی حالت پہلے کے اندازوں سے زیادہ نازک بتائی جا رہی ہے۔
ایران کے جنگ بندی خلاف ورزیوں پر خدشات برقرار ہیں، رضا امیری مقدم
اس سے قبل بھی میڈیا رپورٹس میں کہا گیا تھا کہ مجتبیٰ خامنہ ای امریکا اور اسرائیل کے حملے میں زخمی ہو چکے ہیں تاہم مجتبیٰ خامنہ ای کے پیغامات سرکاری میڈیا کے ذریعے منظرعام پر آ چکے ہیں لیکن وہ خود عوام کے درمیان نہیں آئے۔
