اسرائیلی وزیرِ اعظم کے دفتر نے پاکستان کے وزیرِ دفاع خواجہ آصف کے اس بیان کی مذمت کی ہے جس میں انھوں نے اسرائیلی ریاست کو ’کینسر زدہ‘ قرار دیا تھا۔
پاکستانی وزیرِ دفاع نے سوشل میڈیا پلیٹ فارم ایکس پر اپنی ایک پوسٹ میں الزام عائد کیا تھا کہ ’جب اسلام آباد میں بات چیت جاری ہے ایسے وقت میں لبنان میں نسل کشی کی جا رہی ہے۔‘
خواجہ آصف نے الزام عائد کیا تھا کہ ’معصوم شہری اسرائیلی کارروائیوں میں مارے جا رہے ہیں، پہلے غزہ، پھر ایران اور اب لبنان میں خونریزی کا نہ رُکنے والا سلسلہ جاری ہے۔‘
خواجہ آصف نے اس بیان میں اسرائیلی ریاست کو ’کینسر زدہ‘ قرار دیا اور اس کے قیام سے متعلق سخت الفاظ استعمال کیے۔
خواجہ آصف کے بیان کے چند گھنٹوں بعد ایکس پر اسرائیلی وزیرِ اعظم کے دفتر سے جاری بیان میں کہا گیا کہ ’پاکستان کے وزیرِ دفاع کی جانب سے اسرائیل کی تباہی کی اپیل نہایت اشتعال انگیز ہے۔‘
