200 یونٹس تک بجلی استعمال کرنے والے صارفین کیلئے بڑی خبر آگئی

by Admin April 14, 2026

written by Admin April 14, 2026

Table of Contents

بجلی کے بلوں میں سلیب سسٹم کے باعث صارفین پر اضافی بوجھ ڈالنے کا معاملہ عدالت تک پہنچ گیا ہے۔

لاہور ہائیکورٹ میں اس حوالے سے ایک درخواست دائر کی گئی ہے جس میں مؤقف اختیار کیا گیا کہ موجودہ سلیب سسٹم عوام کے ساتھ ناانصافی ہے اور اس پر نظرثانی کی ضرورت ہے۔

سماعت کے دوران عدالت نے نیپرا سمیت متعلقہ اداروں کو نوٹس جاری کرتے ہوئے تفصیلی جواب طلب کر لیا ہے۔ درخواست گزار کا کہنا ہے کہ خاص طور پر وہ صارفین جو ماہانہ 200 یونٹس تک بجلی استعمال کرتے ہیں، انہیں بھی سلیب سسٹم کی وجہ سے زیادہ بل ادا کرنا پڑ رہا ہے۔

درخواست میں بتایا گیا کہ 200 یونٹس تک استعمال کرنے والے صارفین کو پروٹیکٹڈ کیٹیگری میں رکھا گیا ہے، لیکن جیسے ہی یونٹس اس حد سے بڑھتے ہیں تو بل میں اچانک بہت زیادہ اضافہ ہو جاتا ہے۔ اس اضافے کی وجہ سے کئی صارفین کے بل دوگنا سے بھی زیادہ آ رہے ہیں، جو ان کے لیے شدید پریشانی کا باعث ہے۔

مزید کہا گیا کہ اضافی چارجز بعض اوقات کئی ماہ تک جاری رہتے ہیں، جسے درخواست گزار نے سزا کے مترادف قرار دیا ہے۔ یہ طریقہ کار آئین اور متعلقہ قوانین کے خلاف ہے اور اسے فوری طور پر ختم کیا جانا چاہیے۔

عدالت میں یہ بھی مؤقف پیش کیا گیا کہ نیپرا ایک ریگولیٹری ادارہ ہے، اسے عوام کو سزا دینے کا اختیار حاصل نہیں۔ اس لیے سلیب سسٹم کے ذریعے اضافی مالی بوجھ ڈالنا غیر قانونی قرار دیا جانا چاہیے۔

درخواست گزار نے عدالت سے استدعا کی ہے کہ سلیب سسٹم کو کالعدم قرار دے کر صارفین کو ریلیف فراہم کیا جائے۔

Catch all the کاروبار News, Breaking News Event and Trending News Updates on b42 news tv

Join Our Whatsapp Channel B42NEWS Whatsapp Official Channel to get the Daily News Update & Follow us on Google News.