محکمہ ایکسائز اینڈ ٹیکسیشن پنجاب نے نمبر پلیٹس کے حوالے سے نوٹیفکیشن جاری کر دیا ہے۔
نوٹیفکیشن جاری ہونے کے بعد اب گاڑیوں کیلئے سرکاری پلیٹ لازمی نہیں۔ اب شہری کسی بھی پرائیویٹ دکان یا وینڈر سے اپنی گاڑی کی نمبر پلیٹ بنوا کر گاڑی پر لگا سکتے ہیں۔
گاڑیوں کی خرید و فروخت اور ملکیت کی منتقلی آسان: آن لائن ایپ متعارف
نوٹیفکیشن کے مطابق آپ کی نمبر پلیٹ کا ڈیزائن اور فارمیٹ بالکل ویسا ہونا چاہیے جس کی منظوری حکومت پنجاب نے دی ہے ، اگر ڈیزائن ٹھیک ہے تو وہ پلیٹ قانونی تصور ہو گی۔
نوٹیفکیشن میں ٹریفک پولیس کو سختی سے ہدایت کی گئی ہے کہ دورانِ چیکنگ شہریوں سے اوریجنل سرکاری پلیٹ کا مطالبہ نہ کریں اور نہ ہی اس کی بنیاد پر چالان کریں۔
محکمے نے باضابطہ طور پر سرکاری نمبر پلیٹس کے اجرا کے لیے چارجز لینا بند کر دیے ہیں اور مرکزی مینوفیکچرنگ سسٹم کو ختم کر دیا ہے۔
