(ویب ڈیسک)ایمان مزاری اور ہادی علی چٹھہ نے متنازعہ ٹویٹس کیس میں سزا کے خلاف اسلام آباد ہائیکورٹ میں اپیل دائر کر دی۔
ایمان مزاری اور ہادی علی چٹھہ نےدرخواست میں مؤقف اپنایا ہےکہ ٹرائل کورٹ نے قانونی تقاضے پورے نہیں کئے،کیس ٹرانسفر کی درخواست ہائیکورٹ میں زیرالتوا ہوتے ہوئےبھی فیصلہ دے دیا گیا،کیس ٹرانسفر کی درخواست زیر التوا ہونے پر قانونی طور فیصلہ نہیں سنایا جا سکتا۔
ایمان مزاری اور ہادی علی چٹھہ کا مؤقف ہےکہ حق دفاع ختم کرکے ٹرائل کورٹ نے شفافیت کو نظر اندازہ کیا ، ٹرائل کورٹ جاتے ہوئے تشدد کرکے گرفتا رکیا گیا، اپیل کےمطابق ویڈیو لنک حاضری کے وقت ٹرائل کورٹ نے تشدد کے الزام کا کوئی جائزہ نہیں لیا۔
یہ بھی پڑھیں:ایمان مزاری کو آئندہ سماعت پر بذریعہ ویڈیو لنک پیش کرنے کا حکم
سوال اٹھایا گیا ہے کہ بغیر فائل کے کیسے جیل سے ویڈیو لنک کے ذریعے جرح ہو سکتی تھی ؟ اسلام آباد ہائیکورٹ سے چوبیس جنوری کا ٹرائل کورٹ کا فیصلہ کالعدم قرار دینے اور ضمانت پر رہائی کی استدعا کی گئی ہے۔
