فیروز والا میں جہیز کم ملنے پر ساس سسر نے بہو کو آگ لگا دی

لاہور (B42 News ویب ڈیسک): نواحی علاقے فیروز والا میں جہیز کم ملنے کے الزام پر ساس اور سسر نے مبینہ طور پر پیٹرول چھڑک کر اپنی بہو ثناء کو آگ لگا دی۔

ذرائع کے مطابق ثناء کی شادی سات ماہ قبل مصطفیٰ سے ہوئی تھی۔ آگ لگنے سے ثناء کے 70 فیصد جسم پر زخم آئے اور اسے زخمی حالت میں میو ہسپتال منتقل کیا گیا، جہاں اس کی حالت تشویشناک بتائی جاتی ہے۔

عینی شاہدین کے مطابق، واقعے کے بعد ساس اور سسر فرار ہو گئے جبکہ چیخ و پکار سن کر لوگ اکٹھے ہو گئے۔ اہل علاقہ نے ریسکیو اور پولیس کو اطلاع دی، پولیس کی بھاری نفری موقع پر پہنچ گئی اور جائے وقوعہ سے شواہد جمع کر کے ملزمان کی تلاش شروع کر دی گئی ہے۔