(ویب ڈیسک ) وزیر اعظم شہباز شریف کا کہنا ہے کہ امید ہے کہ ایران اور امریکہ کو جلد مذاکرات کی میز پر دوبارہ بٹھانے میں کامیاب ہو جائیں گے۔
ذرائع کے مطابق وزیراعظم شہباز شریف کی زیر صدارت ایک اور اہم مشاورتی اجلاس ہوا۔نائب وزیراعظم اور وزیر خارجہ اسحاق ڈار ،وزیر اطلاعات عطاء تارڑ نے بھی شرکت کی۔
ذرائع کا کہنا ہے کہ معاون خصوصی طارق فاطمی اور سیکرٹری خارجہ آمنہ بلوچ بھی موجود تھیں، اجلاس میں اسلام آباد مذاکرات کے دوسرے مرحلے کے انعقاد کےلیے جاری کوششوں کا جائزہ لیا گیا۔
ذرائع کے مطابق وزیر خارجہ نے مختلف ممالک کے وزرائے خارجہ سے رابطوں پر وزیراعظم کو اعتماد میں لیا۔
وزیر اعظم نے کہا کہ امید ہے کہ ایران اور امریکہ کو جلد مذاکرات کی میز پر دوبارہ بٹھانے میں کامیاب ہو جائیں گے۔ پاکستان مشرق وسطیٰ میں پائیدار امن کے قیام کے لیے اپنی کو سفارتی کوششیں جاری رکھے گا۔
