چین نے برطانیہ اور کینیڈا کے شہریوں کیلئے ویزا فری انٹری کا اعلان کر دیا۔
چینی وزارتِ خارجہ کے مطابق یہ سہولت منگل سے نافذ العمل ہو گی اور 31 دسمبر تک برقرار رہے گی۔
یہ پیشرفت برطانوی وزیر اعظم کیئر اسٹارمر اور کینیڈین وزیر اعظم مارک کارنے کے حالیہ دورہ بیجنگ کے بعد سامنے آئی ہے ، دونوں رہنماؤں نے چینی صدر سمیت اعلیٰ حکام سے ملاقاتوں میں باہمی تعلقات کو مضبوط بنانے پر اتفاق کیا تھا۔
چینی حکام کے مطابق برطانیہ اور کینیڈا کے عام پاسپورٹ رکھنے والے شہری کاروبار، سیاحت، رشتہ داروں اور دوستوں سے ملاقات، تبادلہ پروگرام یا ٹرانزٹ کی غرض سے 30 دن تک بغیر ویزا چین میں قیام کر سکیں گے۔
چینی حکام کا کہنا ہے کہ ویزا فری انٹری کی سہولت دینے کا مقصد عوامی سطح پر روابط کو فروغ دینا ہے۔
B42 News TV is not just a channel — it’s a platform with purpose. Built on the belief that the public deserves truth without delay, we stand proudly by our slogan:
