آئی سی سی ٹی ٹوئنٹی ورلڈ کپ کا آغاز آج بھارت اور سری لنکا میں ہو گیا ہے۔
پاکستان نے پہلے میچ میں نیدر لینڈز کے خلاف ٹاس جیت لیا ہے، پاکستان نے فیلڈنگ کا فیصلہ کیا ہے۔
پاکستان کی ٹیم سلمان علی آغا کی قیادت میں میدان میں اترے گی، کولمبو میں کہیں گہرے بادل تو کہیں نیلا آسمان ہے۔
میچ کے دوران بارش کے پانچ فیصد امکانات ہیں، اگر میچ بارش سے متاثر ہوتا ہے تو یہ پاکستان کے حق میں بہتر نہیں ہوگا۔
پی ایس ایل، صائم ایوب نے بابر، شاہین اور شاداب کو پیچھے چھوڑ دیا
پاکستان کو اپنے تمام پول میچز جیتنا ہوں گے تاکہ اس کا رن ریٹ اور پوائنٹس بہتر رہیں کیونکہ بھارت کے خلاف میچ نہ کھیلنے کی وجہ سے اسے دو پوائنٹس سے ہاتھ دھونا پڑیں گے۔
پاکستان کی جانب سے پلیئنگ الیون میں سلمان علی آغا، صائم ایوب، صاحبزادہ فرحان، بابر اعظم، عثمان خان، شاداب خان، محمد نواز، فہیم اشرف، سلمان مرزا، ابرار احمد اور شاہین شاہ آفریدی شامل ہیں۔
ٹاس جیتنے کے بعد سلمان علی آغا نے کہا کہ میچ میں 3 فاسٹ بالرز کےساتھ کھیل رہے ہیں، کوشش ہے کھیل میں اچھی کارکردگی کا مظاہرہ کریں، نیدر لینڈز کو کم اسکور پر آؤٹ کرنے کی کوشش کریں گے۔
