میزائل پروگرام قومی دفاع کا معاملہ ، کسی صورت مذاکرات کا حصہ نہیں بنے گا ، ایران

ایران نے کہا ہے کہ ہمارا میزائل پروگرام قومی دفاع کا معاملہ ہے اور یہ کسی صورت مذاکرات کا حصہ نہیں بنے گا۔

ایرانی وزیر خارجہ عباس عراقچی نے عرب ٹی وی کو انٹرویو میں کہا کہ مسقط میں امریکا کے ساتھ مذاکرات کے دوران امریکی وفد سے مصافحہ بھی ہوا۔

سکیورتی خدشات ، امریکا کا اپنے شہریوں کو ایران چھوڑنے کا حکم

عباس عراقچی نے کہا کہ اگر امریکا نے ایران پر حملہ کیا تو ایران خطے میں موجود امریکی اڈوں کو نشانہ بنائے گا تاہم امریکی سرزمین پر حملے کا امکان نہیں۔

ان کا مزید کہنا تھا کہ یورینیم افزودگی ایران کا ناقابلِ تنسیخ حق ہے ، اسے جاری رہنا چاہیے، بمباری سے بھی وہ ہماری جوہری صلاحیتوں کو ختم نہیں کر سکتے۔ ہم افزودگی کے حوالے سے ایک یقین دہانی کے معاہدے تک پہنچنے کے لیے تیار ہیں۔