اسلام آباد، قومی اسمبلی میں اپوزیشن لیڈر محمود خان اچکزئی نے وزیراعظم شہباز شریف کو 8 فروری کے احتجاج میں حصہ لینے کی دعوت دی ہے اورعوام سے جذباتی ہونے سے گریز کرنے کی اپیل کی ہے۔
نجی ٹی وی کے مطابق انہوں نے کہا کہ کل ملک بھرمیں عوام نے اپنے مینڈیٹ کے حق کے لئے دکانیں بند کر کے غضے کا اظہار کرنا ہے۔
محمود خان اچکزئی نے کہا کہ وزیراعظم شہباز شریف کو بھی عوام کے اس سوگ اوراحتجاج میں شامل ہونا چاہیے تاکہ ملکی مسائل پریکجہتی کا مظاہرہ ہو۔
مالاکنڈ میں ہزار بستروں پر مشتمل جدید ٹرشری کیئر اسپتال کی منظوری
انہوں نے عوام سے اپیل کی کہ احتجاج کے دوران جذبات پر قابو رکھا جائے اور کسی قسم کی اشتعال انگیزی یا تشدد سے گریز کیا جائے۔
اپوزیشن لیڈر نے ملک کے موجودہ حالات پرروشنی ڈالتے ہوئے کہا کہ ملکی حالات ایسے نہیں کہ عوام کو غیر ضروری جذبات میں مبتلا کیا جائے کیونکہ آج کی نسل اپنی محنت کی فصل کی کٹائی کر رہی ہے اور پاکستان کو بین الاقوامی تنازعات میں الجھانے کی کوششیں کی جا رہی ہیں۔
انہوں نے واضح کیا کہ احتجاج عوامی حق کیلئے ہے لیکن ذمہ داری اور تحمل کے ساتھ کیا جانا چاہیے تاکہ ملک میں امن و امان قائم رہے۔
